Вазн тоифасидан қатъий назар дунёнинг энг кучли боксчилари рейтинги эълон қилинди

Профессионал бокснинг супер оғир вазн тоифасида WBA, WBO, IBF чемпионлик камарлари соҳиби украиналик Александр Усик вазн тоифасидан қатъи назар (pound for pound) дунёнинг энг кучли боксчиси деб топилган. Бу ҳақда “The Ring” журнали ёзмоқда.

Иккинчи поғонадан япониялик Наоя Иноуе жой эгаллаган. Кучли учликка Америка вакили Теренс Кроуford якун ясаб берган.

Ушбу рейтингнинг собиқ етакчиси мексикалик Саул Алваресга бешинчи поғона насиб этган. Саулни мағлуб этиб, жаҳон бокси жамоатчилигини ўзига қаратган асли қирғиз миллатига мансуб Дмитрий Биволга рейтингнинг 7-ўрини берилган.

Шу йилнинг 20 август куни Усикга иккинчи жангда ҳам имкониятни бой берган британиялик Энтони Жошуа кучли боксчилар қаторидан тушиб қолган. Шунингдек, Жошуанинг ҳамюрти Тайсон Фюрига ҳам рейтингдан жой топилмади. “Лўлилар қироли” супер оғир вазнда WBC yo‘налиши чемпиони ҳисобланса-да, 2021 йилнинг 9 октябрида Деонтея Уайлдерни мағлуб этганидан буён рингга қайтмади. Юқори эҳтимоли билан Тайсон боксга қайтадиган бўлса, унинг кейинги рақиби Александр Усик бўлади.

“The Ринг” талқинига кўра, вазн тоифасидан қатъий назар дунёнинг энг кучли 10 нафар боксчиси билан танишинг:

1. Александр Усик (Украина);

2. Наоя Иноуе (Япония);

3. Теренс Кроуford (Америка Қўшма Штатлари);

4. Эрроль Спенс (Америка Қўшма Штатлари);

5. Саул Алварес (Мексика);

6. Василий Ломаченко (Украина);

7. Дмитрий Бивол (Россия);

8. Жош Тейлор (Буюк Британия);

9. Жермелл Чарло (Америка Қўшма Штатлари);

10. Артур Бетербиев (Россия).

• Бокс
• П4П
• рейтинг