Бухоро вилоятида 13 ёшли қиз она бўлгани ҳақида хабарлар тарқалди.

Аввал тарқалган миш-мишларда 12 ёшли қиз ўгай отаси томонидан зўрлангани айтилганди. Болалар омбудсмани kun.uz'га маълум қилишича, қиз айни пайтда 13 ёшда бўлиб, ҳомиладорлик ҳолати ҳомила 6 ойлик бўлган вақтда аниқланган.

“Ҳолат бўйича Жиноят кодексининг 118-моддаси 4-қисми (14 ёшга тўлмаган шахснинг номусига тегиш) билан жиноят иши қўзғатилган. Гумонланувчи шахс ўгай ота эмас, балки оилага таниш шахс бўлган. Ушбу шахс қамоққа олинган ва айни пайтда тергов ҳаракатлари олиб борилмоқда.

Бола манфаатида, айбдорга қонундаги энг қатъий жазо қўлланилишини кузатиб борамиз”, – дейилади омбудсман ахборотида.

Амалдаги қонунчиликка кўра, 14 ёшга тўлмаган шахснинг номусига тегиш – 15 йилдан 20 йилгача озодликдан маҳрум қилиш билан жазоланади.

• Бухоро
• Жиноят
• zo‘ravonlik