21 август тунги соат 2:00 атрофида Чилонзор тумани 1-сонли ИИБга кушхонадан қочиб кетган қорамол бир нафар одамни сузиб кетгани ва бошқа фуқаролар ҳаётига хавф туғдираётгани ҳақида хабар келиб тушади.

Чақирувга мувофиқ тунги хизматга жалб этилган ходимлар кушхона ишчилари билан биргаликда ҳайвонни тутиш учун ҳаракат қила бошлашди.

Чилонзор тумани ИИО ФМБ 1-сон ИИББ бошлиғи Бахтиёр Хўжаевга кўра, қорамолни тутиш ҳаракатлари наф беравермагач, у ўзига бириктирилган автомобиль ёрдамида жониворнинг йўлини сиқиб, уни зарарсизлантиришга уринган. Натижада, автоуловнинг чап ён қисми шикастланган.

Оҳир-оқибат, ички ишлар органи ходими олдида сўнгги чора қолади ва у жониворга қарата ўқ узади. “Бектўпи ва Заргарлик кўчасида фуқароларга хавф туғдирган ҳолда югуриб юрганлиги сабабли ўзимга бириктирилган тўппонча орқали қорамолга ўқ узишга мажбур бўлдим” — дея гапирди ИИББ бошлиғи.

• Chilonzor
• Ҳайвон
• ИИБ
• ИИББ