Фирибгар ўзини АҚШ Давлат котиби Марко Рубио сифатида кўрсатди ва маҳаллий ҳамда хорижий расмийлар билан ёзишмаларга киришди, деб ёзади “The Washington Post” нашри.

Газета маълумотларига кўра, июнь ойида фирибгар “Signal” мессенжерида сохта электрон почта манзилини ишлатиб, ҳисоб қайдномасини яратган. Натижада мессенжер ва SMS хабар орқали у учта хорижий ташқи ишлар вазирлари, штат губернаторларидан бири ва конгресс аъзоси билан боғланди.

Фирибгар Марко Рубионинг овози ва ёзиш услубини тақлид қилувчи дастурдан фойдаланган ҳолда расмийларга матнли ва овозли хабарларни юборган. Ёзишмаларнинг мазмуни ошкор қилинмаган. Шунингдек, расмийлар фирибгарнинг хабарларига жавоб берганми ёки йўқлиги ҳам аниқ эмас.

• АҚШ
• Bosh kotib
• Конгресс
• sun’iy intellekt