“Қироллик клуби” президенти Неймар “Сантос”дан “Реал”га ўтиши мумкинлиги ҳақида гапирди.

Бугун Мадрид клуби президенти гувоҳ сифатида Неймарнинг 2013 йилда “Сантос”дан “Барселона”га ўтишидаги коррупсия иши бўйича суд мажлисида сўзга чиқди.

“Биз Неймарга 10 йил аввал қизиқиб қолгандик. Шундай қилиб, менга “Реал Мадрид” спорт раҳбариятида айтишди. Неймар билан бу ҳақда гаплашмаганмиз.

Унинг товон пули қанча кўрсатилганини билмайман, лекин 2011 йилда “Реал Мадрид” спорт раҳбарияти Неймар учун “Сантос”га 45 миллион евро таклиф қилганди. “Реал Мадрид” ҳужжатларидан билишимча, биз қилган ягона таклиф шу.

Ўйинчилар хоҳлаган жойга боришади. Менимча, Неймар “Барселона”га ўтишни хоҳлаган ва шунинг учун ҳам у ерда қолган.

Биз бир-биримизни танимаймиз, ҳеч қачон шахсан учрашмаганмиз. Ўшанда “Сантос”да вице-президент бўлиб ишлаган Одилио Родригес каби”, – дейди Перес.

• Флорентино Перес
• Футбол
• Неймар
• Real