Россия Хавфсизлик кенгаши раис ўринбосари Дмитрий Медведев Францияда президент йўқлигини айтди. Унга кўра, Макрон Франция манфаатидан кўра Киев ва Ғарбни устун қўймоқда.

Бу изоҳни Медведев Франция бош вазири Себастен Лекорнунинг истеъфоси ортидан билдирган. Янги ҳукумат атиги 14 соат фаолият юритган.

Медведев Телеграмда: “Францияда президент йўқ. Мамлакат — Киевнинг юристи, Германия ва Британиянинг дўсти, Африкада эса неоколониал ҳакам,” — деб ёзди.

Маълумот учун, Лекорну 9 сентябрда тайинланган, аммо яқинда истеъфога чиққан. Францияда ҳозир сиёсий танглик, давлат харажатлари қисқариши ва ижтимоий ўзгаришларга қарши норозиликлар кучаймоқда. 2 октябрь куни 200 дан ортиқ шаҳарда намойишлар ўтказилган, Эйфел минораси хизмат кўрсатиш учун вақтинча ёпилган.

• Fransiya
• Германия
• Россия