Таниқли тадбиркор Илон Маск Twitter раҳбари билан тортишишда давом этмоқда. Ушбу можарога оид гап-сўзлар тадбиркорнинг платформани сотиб олишга қарор қилиши, кейин эса фикридан қайтиши билан боғлиқ.

Маскнинг айтишича, платформа унга зарурий ҳужжатларни тақдим эта олмаган ва миллиардерни алдашга ҳаракат қилган. Тадбиркор бир неча кун аввал платформа раҳбариятини судга берган, аммо суд масалага оид маълумотларни сир сақлашни афзал билмоқда.

Миллиардер платформа директори Параг Агравални оммавий дебатга таклиф қилиб, Twitter'га оид масалага нуқта қўйиш фикрига келди.

"Агравал Twitter'даги сохта ва спамга учраган фойдаланувчилар сони 5 фоиздан камроқ эканлигини омма қаршисида исботласин", – дейди тадбиркор.

Эслатиб ўтамиз, жорий йилнинг апрель ойида миллиардер платформани сотиб олмоқчи экани ҳақида барчага маълум қилганди. Twitter раҳбарияти тадбиркорнинг таклифига рози бўлган. Аммо, май ойига келиб, Маск ижтимоий тармоқ фойдаланувчилари сони ошгани ҳақидаги хабардан сўнг платформани сотиб олиш фикридан воз кечди. Бу эса Twitter акционерларига маъқул келмаган.

• Ilon_Mask
• Жаҳон
• Twitter
• Xabardor.uz
• миллиардерлар