Ўтган йил декабр ойида Meta вояга етмаган фойдаланувчиларнинг хавфсизлигига кўпроқ эътибор беришни ўз зиммасига олганди.

Шу фонда компания ота-оналар ва васийларга ўз фарзандларининг аккаунтларига чеклов белгилаш ва улар кўраётган контентни кузатиш имконини берувчи “Оила маркази” функциясини жорий қилди. Бу ҳақда “Reuters” ахборот агентлиги хабар бермоқда. 

Қайд этилишича, эндиликда ота-оналар ва васийлар таълим бўлимига киришлари мумкин. Унда мутахассислар болани интернетдан фойдаланишга ўргатиш ва интернетдаги маълумотларни текшириш бўйича мақола ва материаллар тўплашган. Бундан ташқари, болаларга ижтимоий тармоқлар принсипини ва Instagram’даги расм ҳар доим ҳам тўғри эмаслигини етказишга ёрдам берадиган видеолар мавжуд.

Таъкидланишича, Instagram’нинг ўзида ота-она назорати бўлими кенгайтирилган. Энди унда сиз боланинг иловада қанча вақт сарфлашини кузатишингиз ва чекловни белгилашингиз мумкин. Шунингдек, сиз бола қандай материалларни томоша қилишини ҳам кузата оласиз. Ўсмирнинг обуналаридан қайси аккаунтларни жойлашаётганини кўриш имконини берувчи саҳифа ҳам мавжуд.

Янги ота-она назорати функцияси фақат мобил версияда мавжуд, жумладан, веб-илова учун янгиланиш ёз фаслининг бошида чиқарилиши керак. Назоратни ўрнатиш учун ота-она ўз қурилмасидан боланинг телефонига сўров юбориши ва бола буни тасдиқлаши керак бўлади. 

Компания, шунингдек, Meta Quest VR платформаси учун ота-она назорати янгиланишини эълон қилди. Унга кўра, ота-оналар фарзандлари учун номақбул деб ҳисоблаган ўйин ва функцияларга киришни чеклашлари мумкин бўлади. 

Мобил иловада ота-оналар боланинг ўйин ва иловалар кутубхонаси ҳамда уларда ўтказган вақтини кўриш имконига эга бўлади. Агар у ёшга мос келмаса, бола иловани ўрнатолмайди, лекин уни маъқуллай оладиган ота-онага харид сўровини юбориш мумкин бўлади ва юклаб олиш автоматик тарзда бошланади.

• Instagram
• Мета
• Ota-ona