Guinness World Records сайтида хабар берилишича, канадалик Митчелл Руди янги жаҳон рекордини ўрнатиш ва ҳайвонлар муаммоларига эътиборни жалб қилиш мақсадида бир вақтда 38 та итни сайрга олиб чиқди.

Хабарда аниқлик киритилишича, рекорд ўрнатиш учун итларни сайрга олиб чиққан одам улар билан камида 1 километр масофани босиб ўтиши лозим эди. Бунда бутун сайр давомида жониворларни арқонда ушлаб туриш шарт.

Митчеллнинг айтишича, бу итларнинг бир қисми кучук кўпайтирувчи питомниклардан, бошқалари эса ит гўштини етказиб берадиган фермалардан қутқариб олинган.

Тадбирни ташкил этишда Канаданинг BONK хайрия ташаббуси ва Жанубий Кореянинг К9 итларни қутқариш хизмати (КК9Р) ёрдам кўрсатди. КК9Р сайрда қатнашган итларни оилаларга тарқатиш мақсадида ўз ҳимоясига олди.

“Ажойиб жониворлар, улар яхши уйга муносиб, уларга озгина меҳр-у муҳаббат керак, холос”, — деди Митчелл.

• Гиннес
• Lifestyle
• қизиқарли
• рекорд