Ижтимоий тармоқларда Жиззах-Тошкент йўлида, Жиззах довонидан тушишда юқори кучланишли сим узилиб, йўлни тўсиб қолган, ҳар икки томон “мегапробка” деган хабарлар тарқалди. Ушбу ҳолат юзасидан Йўл ҳаракати хавфсизлиги хизмати маълумот берди.

Қайд этилишича, бугун, 2024 йил 27 июль куни Жиззах вилояти, Пахтакор тумани ҳудудидан ўтувчи М-39 автомобиль йўлининг 66-километрида 220 кВ юқори кучланишли ҳаво тармоғининг монтаж ишлари бажарилаётганлиги сабабли ушбу ҳудудда соат 08:00 дан 17:00 гача бўлган вақт оралиғида транспорт воситаларининг ҳаракати вақти-вақти (5-10 дақиқа) билан чекланади.

Ҳудудда ҳаракат хавфсизлигини таъминлаш ва тирбандликни олдини олиш бўйича ЙПХ ходимлари хизмат олиб боришмоқда.

Ҳайдовчилардан тартибга солувчиларнинг ишораларига амал қилишларини сўраймиз, дейилади хабарда.

• Жиззах
• Tirbandlik