Жонни Деппнинг "Кариб денгизи қароқчилари" фильмидаги Жек Читтак ролига қайтиши учун "Disney" компанияси томонидан 301 миллион АҚШ доллари миқдорида пул таклиф қилингани ва Деппнинг ушбу ролга қайтиши мумкинлиги ҳақидаги эҳтимол актёрнинг мухлисларини қувонтириб юборган эди. Ижодкорнинг расмий вакили интернет оламида кўтарилган шов-шувга нисбатан муносабат билдирди ва актёрнинг фильмга қайтиш нияти йўқлигини маълум қилди.

Жонни Депп "Кариб денгизи қароқчилари" фильмининг ижодий жамоасини 2018 йилда тарк этган, бунга актёрнинг собиқ рафиқаси томонидан қилинган туҳмат сабаб бўлган. Шундан кейин Жонни Депп компания вакилларидан қаттиқ ранжигани ва фильмга 300 миллион АҚШ доллари эвазига ҳам қайтмаслигини маълум қилган эди.

Депп "Кариб денгизи қароқчилари" франшизасининг 5 та фильмида суратга тушган. Компания у билан ишлашдан бош тортгач, актёр бундан 22,5 миллион АҚШ доллари миқдорида зарар кўрган.

• Кино
• Санъат
• машҳурлар