Мўғулистон пойтахти Улан-Батор шаҳрида кураш бўйича ёшлар ва ўсмирлар ўртасида IX, фахрийлар ўртасида III жаҳон чемпионати мусобақалари ўз якунига етди.

Чемпионатнинг 16-17 ёшли спортчилар ўртасидаги баҳсларида ўзбекистонлик полвонлар 18 та вазн тоифасида совринли ўринларга даъвогарлик қилди.

20 дан ортиқ давлатнинг 150 нафардан зиёд ёш спортчилари иштирокидаги баҳслар якунига кўра, Ўзбекистон ёшлар терма жамоаси умумий 32 та (14 та олтин, 13 та кумуш ва 5 та бронза) медални қўлга киритган.

Фахрийлар ўртасида ўтган жаҳон чемпионатида мамлакатимизнинг фахрий полвонлари 4 та олтин, 5 та кумуш, 1 та бронза медалига эгалик қилишган.

Жаҳон чемпионати якуний сарҳисобига кўра, 30 та олтин, 30 та кумуш ва 12 та бронза медалига эгалик қилган Ўзбекистон терма жамоаси умумжамоа ҳисобида биринчи ўринни эгаллаган бўлса, Мўғулистон иккинчи ва Туркманистон учинчи поғонани банд этган.

Терма жамоа аъзолари эртага, 9 декабрь куни Ўзбекистонга қайтиши режалаштирилган.

• Жаҳон чемпионати
• Кураш