MGM кинокомпанияси “Амазон” билан келишувдан сўнг “Томб Райдер” франшизаси ҳуқуқларини йўқотди, шунинг учун энди “Лара Крофт” учун янги компания қидирилмоқда. Кўпгина студиялар ва стриминг хизматлари аллақачон бош ролда бошқа актриса билан фильм суратга олиш, шунингдек, бутунлай янги версия учун ҳуқуқларни сотиб олишдан манфаатдор. Бу ҳақда THR хабар берди.

Энди франшиза продюсери Граҳам Кинг ва унинг “GK Films” компаниясига қайтарилди, у 2011 йилда видео ўйинлар ишлаб чиқарувчиси Сквер Эниксдан филм ҳуқуқларини сотиб олган. Кинг “Netflix”, HBO ёки “Томб Райдер”ни ривожлантиришга қизиққан ҳар қандай йирик студия билан янги шартнома имзолаши мумкин.

Охирги қайта ишга тушириш 2018 йилда, Алисия Викандер иштирокидаги “Томб Райдер: Лара Крофт” фильми суратга олинганида содир бўлган. Картина 275 миллион доллар даромад келтирди ва унинг давоми ҳам бўлиши керак эди, аммо ҳозир унинг янги қисмини яратиш эҳтимоли жуда кам.

“Metacritic”да ушбу фильм мослашуви танқидчилар томонидан 48/100 балл ва томошабинлар томонидан 6,2/10 баллга лойиқ кўрилган.

Қайд этиш мумкин, “Томб Райдер” (2001 йилдан 2007 йилгача “Лара Крофт: Томб Райдер”) Британиянинг “Core Design” студияси томонидан яратилган медиа франшизасидир. “Томб Райдер” серияси 1996 йилда археолог қиз Лара Крофт ҳақидаги биринчи кўп платформали компьютер ўйини – Томб Райдернинг чиқарилиши билан бошланган.

Сериядаги асосий ўйинларга қўшимча равишда бир нечта спин-офф ўйинлари, комикслар, китоблар ва учта бадиий фильм ҳам суратга олинган. Дастлабки икки кисмда Анжелина Жоли, сўнггисида эса Алисия Викандер бош ролни ижро этган.

• HBO
• Кино
• Netflix
• голливуд