Бугун футбол соҳасидаги барча ташкилот ва шахсларнинг почтасига бир хат келиб тушган. Унда, ўзини букмейкерлик компанияларидан бирининг инспектори деб таништирган шахс Тошкентнинг «Локомотив» клуби футболчиларининг келишилган ўйинларда қатнашганини иддао қилган.

Шунингдек, хатда «Локомотив» футболчиси Кахи Махарадзе ва яна 2 киши ижтимоий тармоқдаги ўзаро гуруҳда мазкур ишни муҳокама қилаётгани борасидаги далиллар қўшимча қилинган.

Келтирилишича, ушбу хат футбол оммасидаги жуда кўп ташкилотлар жўнатилган. Жумладан ЎзПФЛ, ЎФА, «Локомотив», АГМК, «Сўғдиёна» клубларига ушбу хат жўнатилган.

Ҳаттоки, бу хат Ўзбекистон Республикаси Президенти матбуот хизматига ҳам жўнатилган.

Қайд этиш мумкин, ҳозирча ҳолат юзасидан Тошкент клуби расмий баёнот, шунингдек, ЎзПФЛ ва ЎФА эса расмий муносабат бермаган.

• Футбол
• Локомотив