Франция президенти Эммануэл Макрон АҚШ президенти Доналд Трампнинг Ғазо учун тузаётган “Тинчлик Кенгаши”га қўшилиш таклифини қабул қилишни режалаштирмаяпти.

Бу ҳақда Bloomberg Макронга яқин манбага таяниб хабар бермоқда.

Агентлик мутахассислар Трамп узоқ вақтдан бери танқид қилиб келаётган БМТга муқобил ёки рақобатчи яратишга уринаётганидан хавотирда эканлигини таъкидламоқда. Тинчлик Кенгаши низом лойиҳасига кўра, Америка етакчиси унинг биринчи президенти бўлади ва якуний қарорлар қабул қилиш ваколатига эга бўлади.

Манбага кўра, Франция президенти янги ташкилот низомининг Ғазо сектори билан боғлиқ масалалардан ташқарига чиқишига ишонади, бу эса жиддий хавотирларни, хусусан, Франция музокара қилинмайдиган деб ҳисоблаган БМТ тамойиллари ва институционал доирасига риоя қилиш борасида жиддий ташвишларни келтириб чиқаради.

Манбаларга кўра, Трамп пайшанба куни кенгаш низомини ва таркибини тасдиқлашни режалаштирмоқда.

• АҚШ
• Fransiya
• Макрон
• Трамп
• reja