Марказий Сомалида террорчи ўзини портлатиши оқибатида камида 13 киши ҳалок бўлди.

Полиция маълумотларига кўра, террорчи маҳаллий амалдорлар ва сиёсатчилар билан гавжум ресторанда портловчи моддаларни портлатиб юбориши оқибатида камида 13 киши ҳалок бўлган.

Қайд этилишича, Беледвейн шаҳрида ҳалок бўлганлар асосан тинч аҳоли вакиллари бўлиб, яна 20 киши яраланган. Портлаш оқибатида катта зарар етган.

Беледвейндаги гувоҳлардан бири ҳужумдан кейин ярадорларни эвакуация қилишга ёрдам берганини айтган.

Қайд этиш мумкин, полиция ва ҳукумат расмийлари ресторандаги ҳужум террорчи томонидан содир этилганини тасдиқлади.  

• Somali
• Терроризм