Аргентинанинг футбол бўйича миллий терма жамоаси сардори Лионел Месси Сурия ва Туркияга инсонпарварлик ёрдамини тарқатди.
Туркиядаги бир қатор оммавий ахборот воситалари тарқатган хабарларга кўра, аргентиналик юлдуз 3,5 миллион евролик гуманитар ёрдам тарқатган.
Туркия матбуоти хабарига кўра, аргентиналик ўз жамғармасидан зилзила содир бўлган жойларга ёрдам юборишни сўраган.
Лео Месси жамғармаси бутун дунё бўйлаб болаларнинг саломатлиги ва таълим олишига ғамхўрлик қилувчи оилавий жамғарма бўлиб, Леонинг акаси Матиас ушбу тадбирларни УНИCЕФ билан ҳамкорликда ташкил этади.
Туркияда душанба кунги зилзила қурбонлари сони 15 мингдан ошди. Ҳозирда Сурияда 3 мингдан ортиқ инсон қурбон бўлган бўлса, бу билан жами расмий қурбонлар сони 18 минг нафарга етди.
7,8 магнитудали зилзила маҳаллий вақт билан 6 февраль куни эрталаб соат 4 дан кейин Газиантеп вилояти Нурдагидан 23 километр шарқда, 24,1 километр чуқурликда содир бўлди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!