Молдовадан бир томонлама тартибда мустақиллик эълон қилган Днестрбўйи ҳудудида 1 январдан Украина орқали Россия гази транзити тўхтатилиши ортидан энергетика инқирози юзага келган.

Молдова ҳукумати Днестрбўйига ёрдам таклиф қилган, лекин тан олинмаган республика амалдорлари кўмакни рад этган ва бу вазият эса маҳаллий аҳолини хавотирга солмоқда.

“Бугун биз Днестрбўйида яшовчи аҳолининг бир кунда бир неча соатгача электр энергиясиз қолиб кетаётганини, иситиш ва энг муҳими, газ таъминоти йўқлигини кўрмоқдамиз. Бугундан бошлаб ҳатто ичимлик суви таъминотида узилишлар бошланди”, – дея маълум қилган мамлакат бош вазири Дорин Речан.

Кишинёв газ билан боғлиқ вазиятни Россиянинг манипуляция ва тарғибот режасининг бир қисми деб атамоқда. Бош вазир Дорин Речан Россияни мамлакатдаги вазиятни беқарорлаштириш мақсадида минтақада гуманитар инқирозни келтириб чиқараётганликда айблаган.

Молдова ҳукуматининг фикрича, Россия Днестрбўйида ўз ҳарбий иштирокини кучайтиришдан манфаатдор.

• Газ
• Молдова
• Россия
• Транзит