Италия А Сериясининг 33-тури доирасида “Удинезе” билан меҳмонда дуранг қайд этган (1:1) “Наполи” муддатидан аввал, энг яқин таъқибчиси (Лацио)дан 16 очко илдамлаб кетган ҳолда, 2022/2023 йилги мавсумда Италия чемпионига айланди.

Мазкур чемпионлик неаполликлар учун тарихдаги учинчи ва 1989/1990 йилги мавсумдан буён биринчиси бўлди. Ўшанда жамоа етакчиси афсонавий аргентиналик Диего Марадона эди.

1990 йилдан жорий мавсумгача “Наполи” 4 та соврин (учта Италия кубоги ва битта Италия Суперкубоги) қўлга киритган.

Жамоа 2017/2018 йилги мавсумда Скудеттога энг яқин келган эди. Ўшанда Маурицио Сарри бошчилигидаги “Наполи” “Ювентус”дан 4 очко кам тўплаб, иккинчи ўринни эгаллаган.

• А Серия
• Футбол
• Наполи