Нью-Йоркда дунёдаги биринчи кўз кўчириб ўтказиш операцияси амалга оширилди.

Маълумотларга кўра, Лангоне тиббиёт маркази жарроҳлари иш пайтида юқори кучланишли ток уришидан жабрланган 46 ёшли беморда кўз ва юзнинг қисман трансплантациясини ўтказишган.

Операция тахминан 21 соат давом этган ва унда 140 дан ортиқ жарроҳ, ҳамшира ва бошқа тиббиёт ходимлари иштирок этган.

Беморнинг янги кўз билан кўра олиши ҳозирча номаълум. Бироқ кўчириб ўтказилган орган операциядан кейин “соғлом белгилар”ни кўрсатган.

Ушбу операция кўриш қобилиятини даволашда келгусида янги имкониятларни яратиши мумкин.

• Nyu-York
• Тиббиёт
• Transplantatsiya