Олий Мажлис Қонунчилик палатасидаги Ўзбекистон Экологик партияси фракцияси йиғилишида дастлаб “Ўзбекистон – 2030” стратегиясини “Атроф- асраш ва “яшил иқтисодиёт” йилида амалга оширишга оид давлат дастури мазмун-моҳияти атрофлича муҳокама қилинди.

Таъкидланишича, ушбу давлат дастурида “яшил иқтисодиёт” тамойилларини кенг жорий қилиш, экологик жиҳатдан қулай ва фаровон яшаш муҳитини шакллантириш, аҳолининг саломатлигини яхшилаш, табиий ресурсларни тежаш ва улардан оқилона фойдаланиш, экологик барқарорликни таъминлаш ва бошқа масалаларга алоҳида эътибор қаратилган.

Депутатлар “Яшил макон” умуммиллий лойиҳаси ва “Менинг боғим” лойиҳаси доирасида 200 миллион туп дарахт ҳамда буталар экиш, “Сояли сайр кўчалари” тармоғини яратиш, Орол денгизи тубида 100 минг гектар “яшил майдон” барпо этиш ва Оролбўйи минтақасидаги ўрмонзорлар 2,1 миллион гектарга, ўрмон билан қопланган майдонларни 4,1 миллион гектарга етказиш бўйича белгиланган вазифалар фракция дастурий мақсадларига ҳамоҳанг эканлигини таъкидлаган.

• Ороль денгизи