27°
Кечаси 17°
Шу йил 29 сентябрь – 3 октябрь кунлари Испаниянинг Барселона шаҳри конкур бўйича Миллатлар лигасининг финал босқичига мезбонлик қилади.
Эслатиб ўтамиз, ўзбекистонлик чавандозлар Миллатлар лигасининг ЕвроОсиё минтақасида ўтган саралаш мусобақасининг барча босқичларида етакчилик қилиб, финал босқичига йўл олишган эди.
110-халқаро конкур-шоу мусобақаси доирасида 3 та индивидуал ҳамда 7 та Миллатлар лигаси мусобақалари бўлиб ўтади.
Тўрт кун давомида «Real Club de Polo de Barcelona» аренасида жаҳоннинг 18 давлатидан келган энг моҳир чавандозлар ғолиблик учун кураш олиб борадилар.
Якунда энг яхши натижа қайд этган жамоа 2024 йил Парижда бўлиб ўтадиган ёзги Олимпия ўйинлари йўлланмасига эга бўлади.
Маълумот учун, ҳозиргача Франция, Швеция, Нидерландия, Буюк Британия, Ирландия ва Германия терма жамоалари Франция пойтахтида ўтказиладиган Олимпиада ўйинларида иштирок этиш ҳуқуқига эга бўлишган.
Қайд этиш мумкин, Барселона шаҳри кетма-кет 9-маротаба ушбу турнир финалини ўзида қабул қилган ҳолда тарихий натижа қайд этди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
