Осиё тараққиёт банки Ўзбекистонга “Миллий автомобил йўлларини ривожлантириш” лойиҳасини амалга ошириш учун 24 йил муддатга, шу жумладан тўрт йиллик имтиёзли даврга 273,8 миллион АҚШ доллари миқдорида кредит ажратишни маъқуллади. Бу ҳақда 4-апрел куни қабул қилинган Президентнинг Осиё тараққиёт банки иштирокида автомобил йўлларини реконструкция қилиш лойиҳаларини амалга ошириш чора-тадбирлари тўғрисидаги қарорида айтилади.

Таъкидланишича, ажратилаётган пулдан 183,8 млн АҚШ доллари “4Р105 Дарбанд – Бойсун – Элбаён” автомобил йўлининг 5-70 км ва 4Р100 “Мангузар – Жарқўрғон – Бандихон -Олтинсой – Денов” автомобил йўлининг 128-174 км қисмларини реконструкция қилиш” лойиҳасини амалга оширишга йўналтирилади.

Шунингдек, 90 млн АҚШ доллари “АЗ80 Ғузор – Бухоро – Нукус – Бейнеу” автомобил йўлининг 228-315 км (87 км) қисмини реконструкция қилиш”лойиҳасини якунлашга ишлатилади.

Қайд этилишича, лойиҳани амалга ошириш муддати 6 йил (2022–2027 йиллар, шу жумладан тўрт йиллик имтиёзли давр).

• Осиё тараққиёт банки
• Ўзбекистон