Статистика агентлиги дастлабки маълумотларга кўра, 2024 йилнинг январь-декабрь ойларида Ўзбекистон Республикаси ялпи ички маҳсулот (ЯИМ) ҳажми жорий нархларда 1 454 573,9 млрд сўмни ташкил этиб, 2023 йилнинг мос даврига нисбатан 6,5 фоизга ўсган.

Саноат тармоғининг ўсиши 6,8 фоизни ташкил этган ва ЯИМ ўсишига ижобий ҳиссаси 1,7 фоиз пунктини ташкил этган.

Қишлоқ, ўрмон ва балиқчилик хўжалигининг ўсиши 3,1 фоизни ташкил қилиб, ЯИМ ўсишига ижобий ҳиссаси 0,6 фоиз пунктини ташкил этган.

Қурилиш ишлари ҳажмининг ўсиши 8,8 фоизни ташкил этган. Қурилиш тармоғининг ЯИМ ўсишига ижобий ҳиссаси 0,6 фоиз пунктини ташкил қилган.

Хизматлар кўрсатиш соҳасида ўсиш суръати 7,7 фоизни ташкил этган. Шундан савдо, яшаш ва овқатланиш бўйича хизматлар 11,1 фоизга, ташиш ва сақлаш, ахборот ва алоқа 13,4 фоизга ҳамда бошқа хизмат соҳалари 4,5 фоизга ўсган. Хизматлар кўрсатиш соҳасининг ЯИМ ўсишига ижобий ҳиссаси 3,3 фоиз пунктини ташкил қилган.

Маҳсулотларга соф солиқлар ҳажми 6,0 фоизга ўсган ва унинг ЯИМ ўсишига ижобий ҳиссаси 0,3 фоиз пунктини ташкил этган.

Маълумот учун, фоиз пункти – фоизли катталикларнинг ўзгаришини аниқ ифодалаш учун ишлатиладиган бирлик ҳисобланади.

• Ўзбекистон
• Yalpi ichki mahsulot