Ўзбекистоннинг Вашингтондаги элчихонаси ва Ню-Ёркдаги Бош консулхонаси узоқ йиллардан буён Ўзбекистон фуқароларининг ўз ватанларига хавфсиз депортациясини таъминлаш мақсадида АҚШнинг тегишли ҳуқуқ-тартибот идоралари билан яқиндан ҳамкорлик қилиб келган.

“Бизнинг келишувларимизга асосан, Америка томони депортация қилинадиган фуқароларимизнинг ҳар бир ҳолати ҳақида тезкорлик билан хабардор қилади. Ўрнатилган амалиётга кўра, фуқароларимиз ватанга Ню-Ёрк-Тошкент йўналиши орқали қайтади”, — дейди Ташқи ишлар вазирининг матбуот котиби Аҳрор Бурҳонов.

Шунингдек, Коста-Рика ҳукумати АҚШдан депортация қилинган 200 нафар муҳожирни, жумладан Ўзбекистон, Қозоғистон, Қирғизистон, Покистон ва Ҳиндистон фуқароларини қабул қилишга тайёрлигини билдирган.

Муҳожирларни қабул қилиш қарори эса мамлакатнинг инсон ҳуқуқлари сиёсатига мос келиши ва АҚШдан ҳеч қандай махсус шартларни ўз ичига олмаслиги маълум қилинмоқда.

• АҚШ
• Tashqi ishlar vazirligi
• муҳожир