Ўзбекистон бозорида олтин қуймалар нархи сезиларли даражада кўтарилди. Ҳозирда 1 грамм олтин қиймати 2 млн сўмга етган. 2026 йил бошидан буён олтин нархининг ошиши қарийб 16 фоизни ташкил этмоқда.

Жаҳон бозорида ҳам олтин баҳоси юқори суръатларда қимматлаб, 1 унцияси учун 5100 долларга яқинлашди. Марказий банк ўлчовли олтин қуймаларининг нархларини халқаро бозор конъюнктурасидан келиб чиқиб мунтазам янгилаб боради.

26 январь куни эълон қилинган маълумотларга кўра, 5 граммли олтин қуймасининг нархи 10 млн 36 минг сўмни ташкил этди. Айни пайтда олтин қуймалари 1 грамм учун 2 млн 7 минг сўмдан баҳоланмоқда.

Олтин қуймаларининг нархлари кун давомида Марказий банк томонидан қайта кўриб чиқилади ва шу сабабли улар доимий равишда ўзгариб боради.

• Марказий банк
• Олтин
• Ўзбекистон