Ўзбекистонда 2026-йил 1-март ҳолатига муомаладаги банк пластик карталари сони 70 миллион 951 минг 598 донани ташкил этди.

Марказий банкнинг инфографикасига кўра, мамлакат бўйича 439 минг 462 та тўлов терминали ҳамда 45 минг 311 та банкомат ва инфокиосклар фаолият юритмоқда.

Январ–февраль ойларида тўлов терминаллари орқали тушган умумий тушум 82 триллион 925 миллиард 646 миллион сўмни ташкил этди. Энг катта тушум Алоқабанк ҳиссасига тўғри келиб, 10 триллион 389 миллиард сўм қайд этилди. Кейинги ўринларда TBC банк (6 триллион 520 миллиард сўм) ва Миллий банк (6 триллион 174 миллиард сўм) жойлашган.

Банк карталари сони бўйича Халқ банк етакчилик қилмоқда — 11 миллион 109 мингдан ортиқ карта муомалада. Кейинги ўринларда Агробанк (6,6 миллион), Uzum Bank (6 миллион) ва Ипотека банк (5,4 миллион) қайд этилган. Шунингдек, Anor банк ва Ҳамкорбанкда ҳам 4 миллиондан ортиқ карталар мавжуд.

Тўлов терминаллари сони бўйича Ҳамкорбанк (59 мингдан ортиқ), Миллий банк (42 мингдан ортиқ) ва Халқ банк (33 мингдан ортиқ) етакчи ҳисобланади. Банкомат ва инфокиосклар сонида эса Халқ банк (3 мингдан ортиқ), Агробанк (1,8 мингга яқин) ва Миллий банк (1 мингдан ортиқ) юқори кўрсаткичларни қайд этган.

• Bank karta
• Марказий банк