“Бу ҳақда 24 март куни АОКАда бўлиб ўтган матбуот анжуманида Кадастр агентлиги директори ўринбосари Мирсаид Мирмақсудов маълум қилди”, – деб ёзмоқда Spot.

Мирсаид Мирмақсудов ноқонуний ўрнатилган банкоматларни демонтаж қилиш бўйича назорат ишлари олиб борилаётганини билдирган. Унинг сўзларига кўра, Марказий банк билан ҳамкорликда амалга оширилаётган ишлар мунтазам равишда давом эттирилади.

“Менда ҳозир қанча банкоматларни демонтаж қилиб, олдириб ташлаганимиз ҳақида аниқ маълумотлар йўқ. Лекин ишлар доимий тарзда амалга оширилади. Буни Марказий банк ёки тижорат банклари ҳам тасдиқлаши мумкин”, – деган Мирсаид Мирмақсудов.

Марказий банкнинг 2024 йилда берган маълумотларига кўра, банкоматлар ва инфокиосклар сони йил давомида 18,3 фоизга ошиб, 28,4 минг донага етган, 5 йил давомида эса 3,4 баробарга ошган.

• Марказий банк
• Ер-кадастр
• хабар