2025 йилнинг январь–июль ойларида Қозоғистондан 1,5 миллион нафар фуқаро Ўзбекистонга ташриф буюрган, бу кўрсаткич ўтган йилнинг шу даврига нисбатан 620,7 минг нафарга ёки 39,3 фоизга кўпдир. Миллий статистика қўмитаси маълумотларига кўра, қозоғистонлик сайёҳларнинг асосий қисми — 1,2 миллион нафардан ортиғи қариндошларини йўқлаш мақсадида келган.

Шунингдек, 111,5 минг киши хизмат сафари, 102,9 минг нафари сайёҳлик, 4,9 минг нафари даволаниш, 0,3 минг киши тижорат ва 0,1 минг киши ўқиш мақсадида мамлакатга кириб келган.

Бу рақамлар Қозоғистон ва Ўзбекистон ўртасидаги дўстона муносабатлар, оилавий алоқалар ва икки мамлакат ўртасидаги очиқ мулоқот даражаси юқори эканини яна бир бор тасдиқламоқда.

• Қозоғистон
• Сайёҳ
• статистика