Ҳозирги кунда мамлакатимизда юридик таълимни ривожлантириш бўйича амалий ишлар, чет эл тажрибасини ўрганиш, изчил тадқиқ қилиш, турли ҳуқуқий тизимлар ўртасидаги тафовутларни қиёсий таҳлил қилиш, мақбулларини миллий қонунчиликка имплементация қилиш кучаймоқда. Айни пайтда шундай салоҳиятларга эга бўлган янги авлод мутахассисларига талаб ортмоқда.

Ҳар бир муваффақият ортида кўзга кўринмас меҳнат, қатъият ва ўзига бўлган ишонч ётади. Замонавий ёшлар орасида ана шундай фазилатларни ўзида мужассам этган, халқаро майдонга дадил қадам қўяётган истеъдодли юристлардан бири — Соибназаров Нурмуҳаммад Абдуназар ўғлидир. Унинг ҳаёт йўли нафақат шахсий ютуқлар, балки келажак авлод учун кучли мотивация манбаи ҳамдир.

🎓 Илм йўлида қатъият ва интилиш

Нурмуҳаммад Соибназаров Наманган вилояти, Уйчи туманида таваллуд топган. Нурмуҳаммаднинг ҳаёти зиёли оила муҳитида улғайган, унинг орзулари ҳар доим катта бўлган. Мактаб давридаёқ у билимга чанқоқлиги, изланишдан тўхтамаслиги ва ўз олдига аниқ мақсадлар қўя олиши билан ажралиб турарди. Ўзининг туманидаги 26-сонли умумий ўрта таълим мактабида таҳсил олаётган пайтидаёқ у келажакда ҳуқуқ соҳасида етук мутахассис бўлишни ният қилган ва олтин медаль билан тамомлаган.

2020 йилда Тошкент давлат юридик университети Халқаро ҳуқуқ ва қиёсий ҳуқуқ йўналишига максимал балл (189 балл) билан давлат гранти асосида ўқишга қабул қилинди. Бу танлов тасодифий эмас эди — у глобал миқёсда фикрлайдиган, дунё ҳуқуқий тизимларини тушунадиган мутахассис бўлишни мақсад қилганди. Талабалик йилларида ўзининг йўналиши бўйича модуль-фанларни аъло даражада ўзлаштирди, ҳаммуаллифликда илмий мақолалар нашр эттирди, университет миқёсида ташкил этилган ҳуқуқий лойиҳалар ҳамда халқаро илмий онлайн конференцияларда иштирок этиши Нурмуҳаммадни ҳар томонлама ҳуқуқий билимларини оширишга ҳамда касбий нутқ маданиятини кучайтиришига олиб келди. У бакалавр босқичини юқори натижалар (ГПА: 4.8/5.0) билан тамомлаб, ўзининг интизоми ва билимга садоқатини исботлади.


Европанинг нуфузли олийгоҳларидан бири — Адам Миcкиэwиcз University da ERASMUS дастури асосида таҳсил олиши унинг ҳаётида муҳим бурилиш нуқтаси бўлди. Бу ерда Европа фундаментал қонунчилик манбалари: миграция, компания, меҳнат, жиноят ҳуқуқи фанларидан таҳсил олди. Нурмуҳаммад нафақат ҳуқуқий билимларини кенгайтирди, балки Шенген зонасида 10дан ортиқ давлатларига саёҳат қилиб, турли маданиятлар билан танишиш, глобал фикрлаш ва мослашувчанлик кўникмаларини ҳам ривожлантирди.


🌍 Халқаро майдонда ўз ўрнини топиш

2024 йилда Нурмуҳаммад халқаро QS рейтингида ТОП-100таликдан ўрин эгаллаган АҚШдаги Pennsylvania State University нинг Penn State Dickinson ҳуқуқ мактабига 48 000 АҚШ доллар миқдоридаги гранти асосида магистратура босқичига ўқишга қабул қилинди.  Бу босқич унинг профессионал шаклланишида янги саҳифа очди. Дунёнинг 30дан ортиқ мамлакатидан келган хорижий талабалар билан таҳсил олиш, фикр алмашиш, маданиятлар уйғунлиги барчаси Нурмуҳаммаднинг глобал дунёқарашини бойитди. Америка ҳуқуқ тизимини ўрганиш, айниқса тижорат, миграция, интеллектуал мулк, шартномалар, корпорациялар ҳуқуқи модулларида билим олиш — бу нафақат академик ютуқ, балки глобал миқёсда фаолият юритиш сари қўйилган мустаҳкам қадам бўлди. Бу йўл осон кечмаслиги, янги муҳит, янги тизим ва юқори талаблар — буларнинг барчаси кучли ирода ва меҳнатни талаб қилди, Нурмуҳаммад эса бу синовларни имкониятга айлантира олди. Бир йил давомида таълим олиб, касбдош дўстлар орттириб АҚШнинг нуфузли ҳуқуқ мактабини аъло баҳолар билан тамомлади ва магистр даражасига эришди.


⚖️ Назариядан амалиётга — ҳақиқий тажриба мактаби

Аксарият фақат ўқиш билан чекланадиган бир пайтда, Нурмуҳаммад талабалик давридаёқ ўқишни амалиёт билан боғлади. Тошкент шаҳар жиноят ишлари бўйича  Чилонзор туман судида судья ёрдамчиси сифатида фаолият юритиб, у реал суд жараёнларини гувоҳи бўлди. Бу тажриба унга: қарор қабул қилиш жараёнини тушуниш, ҳуқуқий ҳужжатларни мукаммал тузиш, суд муҳитида ўзини тутиш каби муҳим кўникмаларни берди.

Кейинчалик Наманган вилоят прокуратурасидаги амалиёти эса унинг касбий дунёқарашини янада кенгайтирди. У жиноят ишларини таҳлил қилиш, далиллар билан ишлаш, фуқаролар арзиалар билан ишлаш ва прокурорлик фаолиятининг мураккаб жиҳатларини чуқур ўрганди.

 Замонавий юрист — янги давр талаби

Бугунги кунда шунчаки ҳуқуқшунос бўлиш етарли эмас, замонавий юрист технологияларни ҳам тушуниши лозим. Нурмуҳаммад сунъий интеллект, ҳуқуқий маълумот базалари (Wестлаw, LexisNexis) ва рақамли воситалардан самарали фойдаланади. Нурмуҳаммад Соибназаров бугунги кунда 10 га яқин илмий мақолалар муаллифи ҳисобланиб илмий фаолиятда изчил изланиб боради. Бу эса унинг ҳаракатлари халқаро даражадаги мукофотлар, хусусан, МДҲ миқёсидаги “Эл-юрт фахри” халқаро эсдалик нишони билан тақдирлангани бежиз эмас. Бу эса уни рақобатбардош мутахассисга айлантиради. Бундан ташқари, у бир нечта хорижий тилларни ўрганиб, ўзининг глобал имкониятларини кенгайтирмоқда. Саёҳатлари орқали эса дунёқарашини бойитиб, турли маданиятларни чуқурроқ англаб бормоқда.

Келажакда Нурмуҳаммад халқаро ҳуқуқ, айниқса корпоратив ва миграция ҳуқуқи соҳасида етук мутахассис бўлишни мақсад қилган. Унинг билимлари, тажрибаси ва интилиши уни нафақат Ўзбекистон, балки халқаро майдонда ҳам юқори натижаларга олиб чиқиши шубҳасиз.

Хулоса қилиб айтганда, Нурмуҳаммад Соибназаров халқаро илмий ва амалий тажрибага эга, глобал дунёқараши, теран фикр ва илмий изланиш билан янги авлод ўзбек юристларидан бирига айланмоқда.

Нурмуҳаммаднинг йўли шуни англатадики - катта натижаларга эришиш учун катта имкониятлар кутиш шарт эмас — мавжуд имкониятлардан максимал фойдаланиш кифоя. Унинг муваффақияти ортида учта муҳим омил: аниқ мақсад, тинимсиз меҳнат, ўз устида ишлашдан тўхтамаслик ётади. Оддий бир маҳаллада зиёли оиладан бошланган йўл бугун халқаро университетларга, йирик ҳуқуқий тизимларга уланмоқда. Бу эса шуни исботлайдики, инсон ўз устида ишласа, чегаралар фақат хариталарда қолади. Нурмуҳаммад Соибназаров — бу нафақат ёш юрист, балки янги авлод учун илҳом манбаи.

Тайёрлади: Илёс Болтаев

• АҚШ
• Ҳуқуқ
• Наманган
• Тошкент