Ижтимоий тармоқларда талабалар учун йўловчи поездларига чегирма эълон қилинган лекин темир йўл кассаларида ва иловада темир йўл чипталари қолмаганлиги ҳақидаги хабарлар тарқалган эди. “Ўзтемирйўлйўловчи” ушбу хабар юзасидан расмий маълумот берди.

Қайд этилишича, ҳозирги кунда Тошкент шаҳридаги олий таълим муассасаларида таҳсил олаётган талабаларга қулайлик яратиш мақсадида сайёр кассалар ташкил этилган. Ушбу сайёр кассалар орқали талабалар бемалол ўз яшаш манзилларига қатновчи йўловчи поездлари учун чипталарни харид қилишлари мумкин.

Бундан ташқари, йўловчи поездларига қўшимча вагонлар уланиши ҳамда янги йўловчи поездлари қатнови йўлга қўйилмоқда.

“Қўшимча маълумотни Ўзбекистон бўйича 1005 қисқа телефон рақами, жойлардаги темир йўл чиптахоналари ҳамда маълумотлар бюросидан билиб олишингиз мумкин”, – дейилади “Ўзтемирйўлйўловчи” хабарида.

• O‘ztemiryo‘lyo‘lovchi
• Поезд
• chipta