Қорақалпоғистон Республикаси Нукус шаҳрида уч киши — эр-хотин ва уларникига меҳмонга келган йигит ис газидан заҳарланиб вафот этган. Бу ҳақда Бош прокуратура хабар бермоқда.

Маълум қилинишича, воқеа 18 октябрга ўтар кечаси Нукус шаҳри 23 кичик тумани 3/6-уйнинг 33-хонадонида содир бўлган. Шундан сўнг, Республика шошилинч тиббий ёрдам кўрсатиш маркази Қорақалпоғистон филиали шифокори соат 07:51 да ИИБга қўнғироқ қилиб, ўлим билан боғлиқ ҳолат ҳақида хабар берган.

Олиб борилган суриштирув ишлари давомида 25 ёшли А.Й, унинг 23 ёшли хотини М.Й ва уларникига меҳмонга келган 27 ёшли А.Т уйнинг иситиш қозонхонаси мўрисидан чиққан ис газидан заҳарланиб вафот этгани аниқланган.

Ҳозирда мазкур ҳолат юзасидан текширув ишлари олиб борилмоқда.

• Ис гази
• Нукус
• Қорақалпоғистон
• Заҳарланиш