“Сунъий интеллект ёрдамида исталган одамни алдаш мумкин. Мамлакат бўйлаб 128 мингта йўл-транспорт ҳодисаси содир бўлган, 13 009 киши ҳалок бўлган, аммо бунга ҳеч ким эътибор бермаяпти, ҳеч ким бу ҳақда гапирмаяпти. Лекин қаердандир пайдо бўлган Қодировнинг ўғли аварияга учрагани ҳақидаги сохта хабар бирданига жаҳон янгиликларида биринчи ўринга чиқди”, — деди Қодиров Чеченистон бош прокурори Арсан Адаев билан учрашув чоғида.

Шунингдек, Қодиров Чеченистонда кибержиноятларга, жумладан сохта ахборотлар тарқатилишига қарши кураш чораларини кучайтиришни режалаштираётганини маълум қилган.

Маълумот учун, январь ойида Адам Қодиров Грозний шаҳрида йўл-транспорт ҳодисасида жабрлангани ҳақида хабарлар тарқалганди.

• Chechiniston
• Ramzan Qodirov