Россия Қуролли кучлари Харков вилоятида Украина қўшинларига тегишли ҳарбий техникаларга дронлар орқали зарба берганини маълум қилди. Бу ҳақда Россия Мудофаа вазирлиги хабар берди.

Вазирлик маълумотига кўра, ҳужум Слижнево ва Курганное аҳоли пунктлари оралиғида амалга оширилган. Оператсияда Россия Қуролли кучларининг учувчисиз тизимлар бўлинмаси ҳарбий хизматчилари иштирок этган.

Қайд этилишича, ҳарбий хизматчилар ҳудудда Украина қўшинларига тегишли танк ва автомобил техникаларини аниқлаган. Шундан сўнг мазкур техникаларга учувчисиз учиш аппаратлари ёрдамида зарба берилган.

Россия Мудофаа вазирлиги ҳужум жараёни акс этган видеоёзувни ҳам эълон қилган.

Мазкур маълумот Россия Мудофаа вазирлиги томонидан тақдим этилган бўлиб, Украина томони ҳозирча ушбу баёнот юзасидан изоҳ бермаган.