Эрон ва АҚШ ўртасидаги ҳарбий тўқнашувлар кучайиши ортидан Теҳрон Вашингтонни огоҳлантирди. Эрон томони кейинги ҳужумларга янада оғриқли жавоб қайтарилишини билдирди. Бу ҳақда Reuters хабар берди.

Эрон парламенти спикери Муҳаммад Бағир Ғолибафнинг таъкидлашича, мавжуд вазият фонида қарама-қаршиликнинг янги босқичи юзага келган. У Эроннинг жавоб ҳаракатлари аввалгидан ҳам кескинроқ бўлиши мумкинлигига ишора қилган.

Теҳроннинг баёнотлари АҚШ билан ҳарбий қарама-қаршиликлар ва Ҳормуз бўғози атрофидаги вазият кескинлашиб бораётган бир пайтга тўғри келмоқда.

Эрон томони вазият ўзгарганини таъкидлаб, келгусидаги ҳужумларга муносиб жавоб қайтаришга тайёрлигини билдирди.