Жорий йилнинг биринчи мартидан бошлаб Россияда вояга этмаганларга энергетик сотишни тақиқловчи қонун кучга киради.

Қонун Россиянинг барча ҳудудларида амал қилади. 1 мартдан бошлаб болалар ва ўсмирларга алкоголсиз тоникли ичимликлар, шу жумладан энергетик маҳсулотларни сотиш тақиқланади. Ушбу тақиқ чой, қаҳва ва уларга асосланган ичимликларга тааллуқли эмас.

Агар сотувчи харидорнинг ёшига шубҳа қилса, ундан вояга этганлигини тасдиқлаш учун ҳужжатни тақдим этишни талаб қилишга ҳақлидир. Агар мижоз уни кўрсатмаса, дўкон ходими сотишдан бош тортиши шарт.

Декабрь ойида Россия давлат Думаси депутатлари вояга этмаганларга энергетик сотганлик учун жарималар миқдорини белгиловчи қонун лойиҳасини тақдим қилган:

– жисмоний шахслар учун 50 минг рублгача;

– мансабдор шахслар учун 200 минг рублгача;

– юридик шахслар учун 500 минг рублгача.

Бундан ташқари, таълим ва тиббиёт ташкилотларида энергетик ичимликларни сотиш учун жавобгарлик янада ортади.

Ушбу муассасаларда энергетиклар савдоси жисмоний шахслар учун 3000 рублга, мансабдор шахслар учун 6000 рублга, юридик шахслар учун 50 000 рублгача жарима қўлланишига сабаб бўлади.

• Болалар
• Duma
• Қонун
• Россия
• ichimliklar
• тақиқ