Давлат раҳбарининг ташаббуси билан Паяриқ туманидаги Имом Бухорий мажмуаси қайтадан бунёд этилмоқда.

Жорий йилда фойдаланишга топширилиши кутилаётган зиёратгоҳда айни пайтда мақбара, 10 минг кишига мўлжалланган масжид қуриб битказиб бўлинган.

Мажмуанинг тўрт томонида ҳар бирининг баландлиги 75 метр бўлган 4 та минора қад ростлаган. Шунингдек, бу ерда музей, айвонлар, маъмурият ва хизмат кўрсатиш бинолари барпо этилиб, пардозлаш ишлари олиб борилмоқда. 

“Имом Бухорий мажмуаси атрофининг 20 гектарида меҳмонхоналар, уй меҳмонхоналар ва ташриф марказлари қурилмоқда. Жумладан, қарийб 400 ўринга эга тўрт юлдузли битта, 300 ўринга эга уч юлдузли иккита меҳмонхона барпо этилмоқда. Шу билан бирга ҳудудда автотураргоҳлар, хизмат кўрсатиш шохобчалари ташкил этилмоқда”– деди Паяриқ тумани ҳокими ўринбосари Рашид Исмоилов.

• Имом Бухорий
• Самарқанд
• ёдгорлик