2021 йилнинг 15 декабридан бери «Локомотив» асосий жамоасини бош мураббий сифатида бошқариб келган Денис Коростиченко клуб раҳбарияти қарорига биноан жамоанинг Суперлигада кўрсатаётган қониқарсиз натижалари сабаб истеъфога чиқарилган. 

Шунингдек, мураббийлар штабида ишлаб келган Андрей Микляев ҳам клуб томонидан ишдан бўшатилган.

Қайд этилишича, Денис Коростиченко бундан буён «Локомотив» болалар футбол мактаби тизимида фаолият олиб боради.

Маълум бўлишича эндиликда, «темирйўлчилар» бош мураббийи сифатида Ўзбек ва Осиё футболи юлдузи Сервер Жепаров фаолият олиб боради.

Осиёнинг икки карра (2008–2010) «Энг яхши футболчиси» деб топилган Сервер Жепаров бунгача клуб спорт директори вазифасини бажариб келаётганди. Сервер Решатовичга мураббийлар штабида Мирко Еличич яқиндан ёрдам беради.

Маълумот ўрнида, айни пайт «темирйўлчилар» Суперлига 16-тур якунларига кўра, 17 очко билан турнир жадвалида 10-ўринни эгаллаб туришибди.

• Футбол
• Локомотив
• Ўзбекистон
• Тайинлов