Буюк Британия қироли Карл III шаҳзода Гарридан қиролича Елизавета II билан видолашув учун рафиқаси Меган Марклни ўзи билан Бальморал қасрига олиб кетмасликни сўради. Бу ҳақда “The Sun” ёзмоқда.

Нашр манбасига кўра, шаҳзода Гарри бувисининг соғлиғи ёмонлиги ҳақида Лондондаги “Фрогмор хаус” қароргоҳида, Маркл билан бирга Балморалга келмоқчи бўлган пайтда хабар топган. Бироқ шаҳзодага қўнғироқ қилган отаси ундан Меганни ўзи билан олиб келмасликни сўраган.

“Карл Гаррига жуда қайғули пайтда Меганнинг Бальморалда бўлиши нотўғри ёки номақбул эканини айтди. Шу билан бирга, Гаррига унинг укаси Уильям Кейт Миддлтоннинг рафиқаси ҳам бормаслигини айтишган, чунки малика ёнида фақат яқин қариндошлар бўлиши керак. Бундан ташқари, Гаррига Уильям, Эдвард ва Эндрью томонидан фойдаланилган RAF самолётидан фойдаланиш тақиқланган”, – дейилади хабарда.

Эслатиб ўтамиз, Буюк Британия қироличаси Елизавета II 8 сентябр куни 96 ёшида вафот этди, у сўнгги дақиқаларини оиласи билан Бальморал қалъасида ўтказган. Унинг тўнғич ўғли, Уэльс шаҳзодаси Карл III Буюк Британиянинг янги монархи бўлди.

• Буюк Британия
• Karl III
• Yelizaveta II