Россия Хавфсизлик кенгаши котиби Сергей Шойгу Кобулга ташрифи давомидаги нутқида, АҚШнинг Афғонистонга нисбатан сиёсатини танқид қилди. Унинг сўзларига кўра, Вашингтон Афғонистон сиёсатига кўп йиллар давомидаги аралашувдан кейин қолдирган вайронагарчиликлари учун жавоб бериши керак.

“Қўшма Штатлар атрофдаги барча мамлакатларни талон-торож қилмоқда ва Афғонистон ҳам бундан мустасно эмас. Афғон халқига тегишли активларни қайтариш муаммоси ҳалигача ҳал қилинмаган. Ливия ва Сурияда бўлгани каби, Афғонистонга ҳам бу маблағларни қайтариб бермоқчи эмас”, – деган Сегей Шойгу.

Шунингдек, у Афгонистонни тиклаш учун асосий ролда АҚШ бўлиши кераклигини таъкидлаган. “Улар қилган ишлари учун жавоб бериши ва бунинг бадалини тўлаши керак. АҚШ одамлар, объектлар ва инфратузилманинг бутунлай таназзулга юз тутишига сабабчи бўлган”, – дея фикрларини якунлаган Шойгу.

• АҚШ
• Афғонистон
• Sergey Shoygu