Бугун, 5 ноябрь куни Сирдарё вилоятида Isuzu “КамАЗ”нинг орқасига бориб урилиб, олд қисми бўлиниб кетди. Бу ҳақда Сирдарё вилояти Йўл ҳаракати хавфсизлиги бошқармаси хабар берди.

Хабарда айтилишича, соат 05:30 лар атрофида Сирдарё тумани ҳудудидан ўтувчи халқаро аҳамиятдаги М-34 автомобиль йўлининг “Термиз-Тошкент” йўналишининг 84-километрида “КамАЗ” русумли транспорт воситаси носозлиги сабабли йўлнинг четки қисмида тўхтаб турган. Ўша вақтда шу йўналиш бўйлаб ҳаракатланиб келаётган Isuzu русумли транспорт воситаси ҳайдовчиси ҳушёрликни йўқотиб, тўхтаб турган “КамАЗ”нинг орқа қисмига бориб урилиши оқибатида ЙТҲ содир бўлган.

Маълум қилинишича, содир этилган йўл-транспорт ҳодисаси оқибатида жабрланганлар ҳамда жароҳатланганлар йўқ. Ҳозирда мазкур ҳолат юзасидан Сирдарё тумани ИИБ ЖХХ ЙҲХБ томонидан суриштирув ҳаракатлари олиб борилмоқда.

• Avtohalokat
• Сирдарё
• yuk mashinasi