Хабарингиз бор, Жиззахнинг «Сўғдиёна» клуби ОФК кубогидаги юришини давом эттирмоқда. ЎзПФЛ директори Диёр Имомхўжаев ОФК кубоги чорак финал ўйинлари Ўзбекистонда ўтказилишига ишора қилди.

«ОФК кубогида иштирок этаётган «Сўғдиёна» 17 август куни «Хўжанд» билан сафар учрашувини ўтказади.

Мазкур беллашувда жиззахликлар ғолиб чиқса, 6 сентябрь куни Гонконгга бориши керак эди. Гонконг томони эса мезбонликдан воз кечди.

Демак, 1/4 финални Ўзбекистонда қабул қиламиз», – деб ёзди Имомхўжаев ижтимоий тармоқдаги саҳифасида.

Қайд этиш мумкин, «бўрилар» мазкур турнир доирасида 3 ўйининг барчасида ғалаба қозонган ҳолда, «Е» гуруҳида 9 очко билан биринчи ўринни эгаллаб, Марказий минтақа ҳудудий финал босқичига муваффақиятли йўл олган эди.

• Диёр Имомхўжаев
• Футбол
• ОФК