Сомали пойтахти Могадишуда Таълим вазирлиги олдида иккита бомба ўрнатилган автомобилнинг портлаши оқибатида камида 100 киши ҳалок бўлди. Бу ҳақда Reuters хабар берди.

Биринчи портлаш вазирлик биноси яқинида Могадишудаги гавжум чорраҳа яқинида содир бўлган, иккинчи портлаш тез ёрдам машиналари етиб келган ва жабрланганларга ёрдам бериш учун одамлар йиғилганда содир бўлган.

Маълумотларга кўра, ҳалок бўлганлар орасида Могадишунинг Ходан тумани полицияси бошлиғи ва тележурналист Муҳаммад Исса Кун ҳам борлиги айтилган.

Воқеа учун жавобгарликни ҳеч ким ўз зиммасига олмади, бироқ давлат раҳбари “Аш-Шабоб” исломий гуруҳини айблади.

Сомали президенти Ҳасан Шайх Муҳаммад Могадишодаги портлашлар содир бўлган жойда журналистларга яна 300 га яқин одам жароҳатланганини айтди.

“Биз халқаро ҳамкорларимиздан ва бутун дунёдаги мусулмонлардан ўз шифокорларини бу ерга юборишларини сўраймиз, чунки барча жабрланганларни даволаш учун мамлакат ташқарисига жўната олмаймиз”,– дейди у.

• Somali
• Терроризм