Самарқандда Telegram орқали пайғамбар Муҳаммад (с.а.в.)ни ҳақорат қилган йигит қамалди. Бу ҳақда вилоят ИИБ хабар берди.

2004 йилда туғилган шахс 30 декабрь куни Telegram ижтимоий тармоғидаги ўзига тегишли профиль орқали каналлардан бирининг изоҳлар қисмида диний адоватни тарғиб қилувчи маълумотни жойлаштиргани аниқланган.

Мазкур ҳолат юзасидан ўтказилган терговга қадар текширувлар натижасида унинг ҳаракатларига ҳуқуқий баҳо берилиб, унга нисбатан Маъмурий жавобгарлик тўғрисидаги кодекснинг 184³-моддаси асосида маъмурий баённома расмийлаштирилган ҳамда материаллар судга юборилган.

Жиноят ишлари бўйича Пахтачи тумани судининг 2026 йил 9 январдаги қарорига мувофиқ, мазкур шахснинг ҳаракатларида Маъмурий жавобгарлик тўғрисидаги кодекснинг 184³-моддасида назарда тутилган ҳуқуқбузарлик аломатлари мавжуд деб топилиб, унга нисбатан 12 сутка маъмурий қамоқ жазоси тайинланган.

• Самарқанд
• Телеграм
• ma’muriy qamoq