Тошкентда бўлиб ўтаётган халқаро маданий мерос ҳафталиги доирасида Француз тадқиқотлар миллий марказининг профессори Карим Ифракнинг таъкидлашича, ушбу қўлёзманинг тарихи XIV-XV асрларга бориб тақалади.

Темурийлар даврида яратилган муҳташам Қуръон мусҳафи бош офиси Лондонда жойлашган Christies кимошди савдоси уйи ёрдамида топилди.

Унинг яратилиш тарихи ўзига хос рамзийликка эга, сабаби ундаги ҳар бир сўз олтин суви билан битилган. Китобнинг замонавий технологияларсиз, бундай усулда яратилгани унинг янада улуғвор ва бебаҳолигини таъминлайди.

Маълум қилишларича, ҳозирда Ислом цивилизацияси маркази ва Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти билан ҳамкорликда қўлёзманинг факсимиле нусхасини Ўзбекистонга қайтариш бўйича иш олиб борилмоқда.

• Амир_Темур
• Qur’oni Karim
• топилма