Тергов қўмитаси Алексей Навалнийнинг ўлими юзасидан жиноий иш қўзғатишдан бош тортди. Бу ҳақда унинг беваси Юлия Навалная маълум қилди.

Қайд этилишича, Навалнийнинг ўлимига “қўшма касаллик” сабаб бўлган ва у аритмиядан вафот этган.

Тергов қўмитасининг таъкидлашича, сиёсатчи бетоб бўлгач, уни тиббиёт бўлимига олиб бориб, кўкрак қафасига компресслар ва сунъий нафас олдиришга ҳаракат қилган, бироқ бу ёрдам бермаган.

Навалная эса бу маълумотни рад этади. Унинг сўзларига кўра, Навалний ўзини ёмон ҳис қилганида, уни яна жазо камерасига олиб кетишган, тиббий бўлимда эса у аллақачон ҳушини йўқотган.

Сўнгги дақиқаларда у қорин оғриғидан шикоят қилган, аммо бу ҳам резолюцияда кўрсатилмаган, дейди Навалная.

• Алексей Навалний