Тошкент метрополитенига яна 3 та замонавий тўрт вагонли ҳаракат таркиби олиб келинди. Бу ҳақда метрополитен матбуот хизмати хабар берди. Қайд этилишича, янги поездлар линияларга босқичма-босқич чиқарилиб, поездлар ҳаракати интервалини қисқартириш, йўловчиларга кўрсатилаётган хизмат сифатини ошириш ҳамда эскирган ҳаракат таркибларини замонавий поездлар билан алмаштиришга хизмат қилади. Шунингдек, янги таркиблар ташиш қувватини ошириш, ҳаракат жадвалининг барқарорлигини таъминлаш ва ортиб бораётган йўловчилар оқимига самарали хизмат кўрсатиш имконини беради.

Метрополитенни модернизатсия қилиш ишлари давом этади. Режага кўра, 2026-йил якунига қадар Тошкент метросига яна 11 та замонавий ҳаракат таркибини олиб келиш кўзда тутилган. Эслатиб ўтамиз, 2026-йил 1-сентабргача Тошкент шаҳридаги жамоат транспорти ва шаҳар атрофи электр поездлари учун интегратсиялашган тўлов тизими жорий этилиши режалаштирилган.