“АҚШ президенти Доналд Трамп BBC компаниясини унга нисбатан “ёлғон, туҳмат, ҳақоратли ва ғазаб уйғотувчи баёнотлар” берганликда айблаб, 1 миллиард долларгача зарар ундириш учун судга беришини билдирди”, дея хабар бермоқда Fox News.

Нашрга кўра, Трампнинг ҳуқуқшунослари BBC’дан уч нарсани талаб қилган: Панорама номли ҳужжатли фильмни эфирдан олиб ташлаш, ҳодиса учун расман кечирим сўраш ва 1 миллиард доллар миқдорида товон тўлаш. Трампнинг адвокати BBC 14 ноябргача талабларни бажармаса, АҚШнинг Флорида штатида суд иши очилишини маълум қилган.

Аввалроқ The Daily Telegraph нашри BBC 2024 йил октябрь ойида эфирга узатган Панорама дастурида Трампнинг 2021 йил 6 январда айтган нутқини таҳрир қилиб, тарафдорларини Конгрессни босиб олишга чақиргандек кўрсатган.

Аслида эса Трамп ўша нутқида фуқароларга тинч йўл билан ўз фикрини билдириш зарурлигини айтган эди. Фильмда эса нутқ парчалари кесилиб, Конгресс биносига юриб бораётган одамлар тасвирлари билан бирлаштирилган, бу эса томошабинда Трамп уларни ҳаракатга ундагандек таассурот қолдирган.

Мазкур можаро ортидан BBC бош директори Тим Дейви ва янгиликлар бўлими раҳбари Дебора Тернесс истеъфога берган. BBC’нинг эгаси Самир Шоҳ эса бу таҳрир “хато қарор” бўлганини тан олган ва жамоатчиликдан узр сўраганди.

• Shikoyat
• Трамп
• kompaniya