Туркманистон Каспий денгизи устидан Қозоғистон ва Европага борадиган йўлни қисқартирадиган кўприк қуришни режалаштиряпти.

“Йўлларни ётқизиш, кўприклар қуришни бизнинг доно ота-боболаримиз давлатчиликнинг белгиси деб ҳисоблайдилар ва бу масалани олийжаноб анъанага айлантирдилар”, деди Президент Сердар Бердимуҳамедов, бугунги кунда мамлакатда йўл-транспорт соҳасида олиб борилаётган кенг кўламли ишлар унинг муносиб давом этишидан далолат беради дейилади хабарда.

Замонавийликнинг ортиб бораётган талабларини инобатга олган ҳолда, биз Касбий денгиз бўйлаб янги автомобил кўпригини қуришни бошлаш мақсадга мувофиқ деб ҳисобладик. Жорий йилнинг 16- июндаги қарорида лойиҳа-смета ҳужжатларини тайёрлаш ва умумий узунлиги 354 метр ва кенглиги 21 метр бўлган автомобил кўприги қурилиши кўзда тутилган эди.

“Кўприк Туркманбошидан Каспий денгиз орқали Қозоғистон чегарасигача борадиган магистрал йўлда қурилади”, - дея давом этди давлат раҳбари.

Лойиҳани тайёрлаш ушбу соҳада кўп йиллик тажрибага эга бўлган “йўл қурилиши масъулияти чекланган жамияти” томонидан амалга оширилиши айтилди.

Бу Туркманистон, Россия, Қозоғистон, Эрон ва Ҳиндистон юк ташувчиларига самарали хизмат қилиш учун мўлжалланган бўлиб, уларга денгиз, темир йўл ва автомобил транспортидан фойдаланган ҳолда Шимолий ва Шарқий Эвропа мамлакатларига энг қисқа йўл билан киришга имкон бериши айтилди.

• Кўприк
• Қозоғистон
• Туркманистон