Бош прокуратура ҳузуридаги Департаментнинг Бухоро вилояти бошқармаси томонидан Бухоро шаҳрида ўтказилган тезкор тадбирда валюта айирбошлаш билан шуғулланиб келган М.Т. фуқаро Ш.Р.дан 6 000 АҚШ долларини 75,7 млн сўмга сотиб олган вақтида ашёвий далиллар билан ушланган.

Шу каби, Департаментнинг Улуғнор туман бўлими ва ИИБ ходимлари ҳамкорлигида ўтказилган тезкор тадбирда фуқаролар О.Н. ва О.Х. фуқаро М.Т.га 3 800 АҚШ долларини 46,6 млн сўмга сотган вақтида ушланиб, тадбир давомида 4 200 АҚШ доллари, 5 000 Россия рубли ҳамда 1,2 млн сўм ашёвий далил сифатида олинган.

Департаментнинг Сирдарё тумани бўлими томонидан ўтказилган тезкор тадбирда фуқаролар А.Ж. ва А.А. фуқаро М.Х.га 5 000 АҚШ долларини 63,7 млн сўмга сотган вақтида ашёвий далиллар билан ушланган.

Департаментнинг Фарғона вилояти бошқармаси томонидан ўтказилган тезкор тадбирда фуқаро Р.Э. фуқаро А.Б.га 4 000 АҚШ долларини 50,8 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.

• ДХХ
• Жиноят
• Курс_валюта
• Валюта